جوزي بعتلي 150 الف ج بالغلط
منة كانت هتموت وتضحك في وشه. آخره؟ 150 ألف جنيه لسبوع ابن واحدة تانية!
قالتله بكل هدوء تمام يا حبيبي… ادخل اِرتَاح.
أحمد بصلها باستغراب، كان متوقع خناقة على سهر برة أو على فلوس الأوضة، بس هي مدتهوش الهوا. لا دموع، لا أسئلة، ولا حتى نظرة عتاب.
تاني يوم الصبح، وأحمد في الحمام، موبايله نور على الكومودينو. منة ملمستش الموبايل، هي خلاص مابقتش الست الشكاكة، هي بقت وكيل نيابة بيقفل قضية.
الرسالة كانت واضحة وصريحة من نيرمين
يا بيبي، إنت بعت الفلوس على حساب مراتك بالغلَط امبارح! هي مقالتش حاجة؟ أنا هتموت من الضحك وأنا بتتخيل شكلها لما شافت الرقم.
وفجأة وراها رسالة تانية
افتكِر، حجز قاعة الموفنبيك لازم يتدفع النهاردة. ومامتك قالتلي إنها هتقنع منة تمضي على التنازل بتاع شقة أكتوبر أول ما تولد.
هنا بقى الأرض اتهدت بجد تحت رجلين منة. الموضوع مش مجرد جوازة أو ست تانية… دي مؤامرة من العيلة كلها……….
لايك وكومنت ليصلك باقي القصه المشوقةمنة سابت الموبايل مكانه بالظبط، وقعدت على طرف السرير تحاول تاخد نفسها.
إيديها كانت ساقعة، لكن عقلها اشتغل بسرعة مرعبة.
حماتها نيرمين أحمد كلهم متفقين عليها وهي عايشة وسطهم فاكرة نفسها زوجة.
أحمد خرج من الحمام وهو بينشف شعره بالفوطة وقال بابتسامة مصطنعة مالك يا حبيبتي؟ وشك أصفر ليه؟
منة رفعت عينيها له لأول مرة من ساعة ما اكتشفت الحقيقة.
نظرة هادية جدًا لدرجة خوّفته.
قالت بابتسامة صغيرة مفيش بس الحمل تعبني شوية.
أحمد قرب يبوس راسها، لكنها لأول مرة حسّت بالقرف من لمسته.
ريحة البرفيوم نفسها بقت خانقة.
في اللحظة دي، منة خدت قرار مش هتواجهه دلوقتي
هتدفنه بورقه.
بعد ما نزل الشغل، منة لبست واسع يخبي بطنها ونزلت بهدوء.
راحت البنك الأول.
الموظفة كانت بتبص لها بابتسامة ألف مبروك يا فندم، واضح إن جوز حضرتك كريم.
منة ابتسمت بمرارة وقالت أيوه كريم جدًا.
سحبت كشف حساب كامل، وخدت نسخة مختومة من التحويل.
وبعدها على طول راحت لمحامي قديم كان صاحب أبوها الله يرحمه.
المحامي قعد يسمعها من غير ما يقاطعها.
ولما خلصت، خلع النضارة وقال بصي يا بنتي اللي معاكي ده مش وبس، ده شروع نصب كمان لو فعلاً ناويين ياخدوا شقتك بالتنازل.
منة بلعت ريقها يعني أعمل إيه؟
