ابني الوحيد

كنت بشتغل الصبح في الورشة وبالليل أكمل تعليمي وأحاول أبني حياة جديدة
كنت كل يوم نفسي أكلمك يا ماما لكن محمود كان باعت لي رسالة من رقم غريب بعد ما مشيت بيومين
طلع موبايله وفتح رسالة قديمة واداهالي
قريت الرسالة وأنا حاسة إن نفسي بيتسحب مني

كان مكتوب فيها إن محمود هيبلغني إن ابني رفض يرجع وإنه لو حاول يتواصل معايا هيخليني أختار بينه وبين جوزي
لكن الرسالة اللي بعدها كانت أخطر
محمود كان كاتب فيها إنه لو رجع البيت هيتسبب في مشاكل كبيرة ليا وإنه هيخلي حياتي چحيم
بصيت لمحمود وقلت له

إنت اللي بعت الرسائل دي؟
محمود سكت
وسكوته كان أقوى من أي اعتراف
ابني كمل وقال
أنا كنت صغير ومش معايا فلوس ولا حد يحميني وكنت فاكر إن لو رجعت ممكن أضرك من غير ما أقصد علشان كده فضلت بعيد
وبعد فترة غيرت رقمي وبدأت أركز في حياتي

اشتغلت واتعلمت وخدت شهادات في مجال تصميم الملابس وبقيت مسؤول عن شغلي وبقي عندي مكان صغير باسمي
عم جابر كان أول حد خلاني أحس إن فيه ناس ممكن تحبني من غير ما تحاول تغيرني بالقوة
دموعي نزلت وأنا بمد إيدي وأمسك إيده
قلت له

يا ابني لو كنت أعرف كنت جيت جبتك بنفسي والله ما كنت سيبتك يوم واحد
ابني ضغط على إيدي وقال
أنا عارف يا ماما وعلشان كده رجعت
لكن قبل ما أقدر أسأله عن أي حاجة تانية محمود وقف وقال بصوت غاضب

يعني إنت رجعت بعد كل السنين دي علشان ټنتقم مني؟
ابني بص له وقال
أنا ما رجعتش علشان أنتقم أنا رجعت علشان أوقف كدبك وأخلي أمي تعرف إنها ما خسرتنيش بإرادتها
وبعدين قال له
وفيه حاجة تانية لازم تعرفها
محمود اتوتر وقال
إيه هي؟

ابني طلع من الظرف مجموعة أوراق عليها أختام رسمية وقال
أنا لقيت الأوراق دي من شهرين لما كنت براجع حاجات قديمة تخص أمي
الورق ده كان فيه تحويلات مالية حصلت من حساب أمي لحساب شخص اسمه سامح في الفترة اللي اختفيت فيها

أنا عمري ما كنت أعرف إن فيه فلوس اتسحبت من حسابي في الفترة دي أصلا
بصيت لمحمود پصدمة
قلت له
فلوسي؟ إنت سحبت فلوسي من غير ما تقولي؟
محمود بدأ يتلجلج وقال
دي كانت مصاريف البيت وأنا كنت بتصرف على الأسرة
ابني رد عليه

المشكلة إن التحويلات دي كانت بتروح لشخص إنت كنت بتدفع له علشان يساعدك تجمع معلومات عني وتعرف أنا فين
الراجل ده نفسه احتفظ بالرسائل والتحويلات وبعد خلاف حصل بينه وبين محمود قرر يحتفظ بنسخ منها
ولما ابني وصل له عرف جزء كبير من الحقيقة
محمود قعد على الكرسي ووشه اصفر