نزلت عند حماتي

رحت أزور أختي وهي في الشهر السادس من الحمل، ومن ريحة الأكل اللي حماتها بتغصبها عليه كنت هرجع. لقيتها بتقول بكل برود لو جعانة تخلص طبقها، مفيش نعمة بتترمي هنا. من غير كلام كتير أخدت عينة من الأكل، ولمېت هدوم أختي وكلمت أهلي يجوا فوراً. وفي المستشفى اكتشفنا السر وراء خستها بقالها أسابيع… والموضوع طلع متدبر على هادية.

الجزء الأول
لو أختك عايزة تاكل، تاكل اللي محطوط قدامها. إحنا هنا مفيش لقمة بتترمي.
دي كانت أول جملة خبطت في ودني وأنا داخلة شقة أختي دينا في المعادي، وهي في شهرها السادس. كنت سايقة نص ساعة من بيت بابا وماما وقلبي واكلني عليها؛ بقالها كذا يوم ردودها متأخرة ع الواتساب، وتقول مرهقة، وكل ما أقولها أجيلك تطلع بحجة وتأجل.

مقالات ذات صلة

الترجمه حكايات ميرا
منذ ساعتين

حمايا جابلي عصير. حكايات ميراا
منذ 5 ساعات

مدرسة 2 حكايات رومانى مكرم
منذ 13 ساعة

مدرسة 1حكايات رومانى مكرم
منذ 13 ساعة
اللي فتحتلي الباب كانت حماتها، الحاجة إلهام.
مريم يا حبيبتي! مفاجأة إيه دي.. اتفضلي اتفضلي، دينا مريحة جوة. أصلك عارفة بقى الحوامل في أول بطن، كل حاجة توجعهم وتكبر في عينهم، قالتها بابتسامة صفرا باين أوي إنها متصنعة.
الشقة كانت مترتبة زيادة عن اللزوم، مفيش ريحة كركبة ولا حتى خدادية معووجة. الحاجة إلهام ماشية قدامي تديني تقرير عن إنها هي اللي شايلة البيت، ومتابعة أكل دينا وفيتاميناتها، وحتى كوباية المية بتعدها عليها.
أصل طارق بيطلع عينه في الشغل طول اليوم، ولازم حد يقف على كل حاجة بنفسه. أول ما دخلت اتصفى مكاني.

دينا كانت نايمة على جنبها، بطنها باينة تحت عباية بيتي واسعة، بس وشها كان مطفي وصغر للنص عن آخر مرة شوفتها. شفايفها مشققة، عينيها حواليها سواد فاحم، ودراعاتها رفيعة بطريقة تخض.
إيه اللي جرالك يا دينا؟ قعدت جنبها وأنا ملهوفة.
مسكت إيدي وضغطت عليها جامد مفيش يا مريم.. أنا كويسة.
بصت ناحية الباب بطرف عينها قبل ما ترد، والحركة دي أكتر من شكلها التعبان. وطارق فين؟

في الشغل.
وقبل ما ألحق استفسر عن حاجة، دخلت الحاجة إلهام وصينية الأكل في إيدها ميعاد الغدا يا هانم.
حطت طبق غويط على الكومودينو وابتسمت بتعالي.
ريحة الأكل لطشت في مناخيري قبل ما حتى ألمح الطبق.
ريحة زفرة، لازعة، خليط من سمك بايت وسمنة مقدوحة مېت مرة وخضار مركون لما حمض. معدتي اتقلبت في ثانية.
الطبق كان فيه شوية رز معجن، وحتة سمكة غامقة مرشوش عليها كمية ملح تفرتك الكلى، وحتت لحمة بيضا كلها دهن وجلد، وشوية سلق دبلانين ومصفرين.