اخويا وصاحبه اشتروا حمام سباحه

اخويا واصحابه اشترو حمام سباحة فأهل صاحبه منعوه يستخدمه ….
 
أخويا “بيت” عنده 14 سنة وأصحابه C وJ هما كمان عندهم 14 سنة جت لهم فكرة في نص شهر يونيو إنهم يشتروا حمام سباحة عشان الصيف عندنا بيكون حر جدًا خصوصًا إن حمام السباحة العام في المنطقة كان هيقفل لما بيت وأصحابه ماقدروش يقنعوا أي حد يشتريهولهم قرروا يشتغلوا ويجيبوه بنفسهم.
 
بيت كان بيقص نجيلة واشتغل في كذا جنينه وفي أي مكان يقدر عليه في المنطقة والاتنين التانيين كانوا بيشتغلوا برضه وبعد كام أسبوع جمعوا فلوسهم اللي اشتغلو بيها واشترو حمام سباحة رخيص من النوع اللي بيتحط فوق الأرض.
 
أنا وأهل C وJ اتبسطنا جدًا من اللي عملوه وحسينا إنهم يستاهلوا المكافأة دي بعد ما تعبوا عشان يجيبوها.
واتفقنا كلنا إنهم يحطوا حمام السباحة في جنينة بيت C لأن جنينتهم أكبر جنينة.
هم اللي ركبوه وملوه بالمية وعملوا كل الشغل وأول ويك إند بعد ما خلص بيت وأصحابه قضوا اليوم كله في حمام السباحة.
المشكلة إن دي كانت المرة الوحيدة اللي بيت أو J استخدمو فيها حمام السباحة.
أما C فمسموح له ينزل فيه وقت ما يحب واهله منهو بيت وJ
 

كل مرة كانو بيطلبوا من اهل C ينزلو حمام السباحة كانو بيرفضو تماما
في مرة بيت دخل عند حمام السباحة من غير إذن وقتها أنا كنت في الشغل لما والد C شافه خرج له وفضل يزعقله.
وبيت قال إن C نفسه كان موجود في المية وقتها.
 
طبعًا هو وJ كانوا مستغربين جدًا فلما رجعت من الشغل وروحت أتكلم مع أهل C عن موضوع إن بيت دخل من غير إذن سألتهم طب ليه أصلًا مش مسموح لهم ينزلز البيسين اللي هما دافعين تمنه ؟!
والد C فضل يقول إن بيت دخل من غير إذن وده أنا عارف انه اخويا غلط فيه طبعًا.
لكن اللي مش فاهمه إن كل مرة بيت أو J يطلبوا ييجوا يعوموا بيرفضوا.
 
الاتنين قالوا إن السبب هو موضوع المسؤولية القانونية يعني لو حصل أي حاجة لأي حد في حمام السباحة زي مثلًا حد غرق هما مش عايزين يبقوا مسؤولين عن الموضوع، وأسهل حل بالنسبة لهم إن ابنهم بس هو اللي ينزل المية.
بس دول مراهقين عندهم 14 سنة مش أطفال صغيرة وكلهم بيعرفوا يعوموا كويس.
 
في آخر الكلام ابو C قالي
> “حمام السباحة موجود في بيتي وإحنا اللي مليناه من المية بتاعتنا فإحنا اللي نقرر نعمل فيه إيه.
رفعت صوتي شوية وقلت له إنهم أصلًا ماشتروش حمام السباح هو ملك ابنهم وبيت وJ والتلاتة هما اللي تعبوا وجمعوا فلوسه.