اخويا وصاحبه اشتروا حمام سباحه

ابديت
 
عايز أوضح حاجة بخصوص حمام السباحة. هو مش حمام سباحة قابل للنفخ ده من النوع اللي بيبقى له هيكل وبتجمعه وبعد كده تملاه مية. 
أقدر أقول إنه حوالي 15 متر يعني كبير كفاية لثلاث شباب واتنين كبار ينزلو فيه في نفس الوقت.
 
وزي ما قلت قبل كده السبب الوحيد إننا حطيناه في جنينة بيت C إن جنينتي مش كبيرة كفاية وكان هيبقى جزء من حمام السباحة داخل على جنينة جارنا. 
أما J فهو واهله فساكنين في بيت تاون هاوس. 
عيلة C بقى عندهم بيت كبير وحواليه على الأقل فدانين أرض فاضيين طبيعي جدًا إن عندهم أكبر مساحة.
 
بصراحة ماكنتش مصدق عدد الناس اللي اقترحوا إننا نفضي حمام السباحة أو نقطعه. 
فاهم إن الفكرة ممكن تبان حل بس الحمام كلف الولاد أكتر من 400 دولار في الآخر.
من وقت ما نزلت البوست بيت وأصحابه لسه بيستخدمو الجاكوزي. 
وبما إن ناس كتير كانت بتسأل فالجاكوزي ماكانش شغال طول الوقت عشان كده كانوا بيقدروا يبردوا نفسهم برضه. 
كانوا بيسيبوه مطفي ويشغلوه لما يحسوا بالبرد.
 
والحاجة المضحكة إن الجو كان بيمطر طول الأسبوع اللي فات فسواء حمام السباحة او الجاكوزي استخدمهم مكنش كتير لكن آثار حوار حمام السباحة لسه مستمرة.
كمان بيت وJ كانوا بيتكلموا عن إزاي ممكن يستخدموا حمام السباحة من غير ما يضطروا يتعاملوا مع أهل C اللي لسه لحد دلوقتي مش بيسمحولهم يقربوا منه.
 

الحاجة الوحيدة اللي محدش عملها لحد دلوقتي هي إنه يتصل بالشرطة لأن إيه الفايدة؟ 
مفيش عقد مكتوب والولاد دفعوا كاش وكلنا كنا متفقين سوا إننا نحطه في جنينة بيت C. 
فبشكل قانوني هم غالبًا يقدروا يقولوا إنهم أصحاب البيسين ويعملوا اللي هم عايزينه خصوصًا إنهم هما اللي دفعوا تمن المية اللي اتملى بيها.
هم فعلا ناس أنانيين جدًا. 
لكن قانونيًا الشرطة مش هتقدر تعمل حاجة لو قالوا إنهم هما اللي اشتروا الحمام وإحنا معندناش دليل حقيقي يثبت إن ملكيته مشتركة.
 
ابو J طلع متضايق أكتر بكتير مما توقعت عمل كذا بوست على Nextdoor وفيسبوك بيفضح فيه أهل C وبيقول إنهم أخدوا حمام السباحة من الولاد. 
بوست فيسبوك جاب تفاعل كويس جدًا كام يوم وبعدها مسحه لكن في النهاية ناس كتير من معارفنا المشتركين عرفوا اللي حصل.
أنا كمان جالي رسايل كتير بيسألوا عن بيت خصوصًا الناس اللي كان اشتغل عندهم.
 
أنا شخصيًا ماكتبتش رأيي في الموضوع لأني بصراحة كنت فاكر إن الموضوع خلص بعد ما اشتريت الجاكوزي.
لكن كل ما فكرت فالموضوع اخس إن الجاكوزي مش كفاية.
 
الولاد تعبوا فعلًا عشان يشتروا حمام السباحة ده وأقل حاجة يستحقوها هي فلوسهم ترجع لهم لو مش هيسمح لهم باستخدامه.
لكن يوم الجمعة، بيت قالي إن C قاله إن باباه خلاه في الليلة اللي قبلها يساعده في تفضيه حمام السباحة وفكه.
البيسين ماكانش حد بيستخدمه تقريبا وماكملش حتى شهر والأسوأ من كده إن C اضطر يساعد بابا ويرمي الحمام كله في صندوق الزبالة بتاع الحي!