اخويا وصاحبه اشتروا حمام سباحه

أنا فاهم إنه موجود في جنينتهم لكن مش منطقي إنهم يمنعوا الناس اللي ساعدوا في دفع تمنه من استخدامه.
ماعرفوش يردوا على النقطة دي وفي الآخر هددوني إن بيت مش هيتسمح له ييجي بيتهم أصلًا لو فضلنا نتكلم في الموضوع.
وبيت هيزعل جدًا لو ده حصل لأنه بيحب جدًا يقعد مع صاحبه فالكلام خلص على كده.
 
بيت كان متضايق جدًا وفضل يحكي لأي حد يسمعه وهو بيلعب أونلاين مع أصحابه عن اللي حصل.
وسألني إذا كان أهل C من حقهم يقدروا يعملوا كده وإننا المفروض نتصل بالشرطة.
قلتله خلينا مانكبرش الموضوع للدرجة دي دلوقتي رغم إني كنت متفق معاه إن اللي حصل يعد نصب انهم أخدوا حاجة هو دفع فيها فلوس ومنعوه منها.
 
بس في نفس الوقت بيت وC أصحاب بقالهم تقريبًا سنين وبيعملوا كل حاجة مع بعض فماكنتش عايز صداقتهم تبوظ بسبب موضوع تافه بالشكل ده ففكرت في حل تاني.
دخلت على الإنترنت ودورت ولقيت جاكوزي قابل للنفخ تقريبا بنفس المبلغ اللي التلاتة دفعوه في حمام السباحة انا عارف ان كان ممكن أشتري لبيت حمام سباحة بنفسي من الأول
 
لكن في نفس الوقت هو كان نفسه يشتغل ويجمع فلوسه عشان يجيب حاجة هو عايزها وأنا عندي مصاريف وحاجات تانية أفكر فيها وعايزه يتعلم إن الحاجة اللي عايزها لازم يتعب عشان يجيبها.
وبصراحة الجاكوزي مفيد لظهري أنا كمان.
بيت بقى تقريبًا بيستخدم الجاكوزي كل يوم من ساعة ما ركبناه.
وأصحابه بيستخدموه معاه والشرط الوحيد عندي إنهم يستحموا في بيوتهم قبل ما يستخدمو الجاكوزي أو بعد ما يخرجوا منه وهو كبير ويشيل حوالي 5 أشخاص.
 

المهم C وJ بقوا بييجوا عندنا كتير عشان يدخلوا الجاكوزي.
والد J متقبل الموضوع جدًا وشايف إن اللي أهل C بيعملوه سخافة وفي نفس الوقت متفق إن الولاد التلاتة يستحقوا يستمتعوا بحاجة بعد كل المجهود اللي عملوه أما أهل C فمش مبسوطين خالص.
 
حتى C نفسه قالي إنه بيفضل يقعد مع أصحابه في الجاكوزي بدل ما يعوم لوحده في حمام السباحة وباباه ومامته مش قادرين يفهموا ده.
أنا ماتكلمتش معاهم بشكل مباشر عن الموضوع لكن C سمع والدته وهي بتشتكي وتقول إن كل الناس بقت شايفاهم كأنهم وحوش و بيكرهوا العيال لمجرد إنهم مش سامحين لحد يدخل حمام السباحة بتاعهم.
حمام السباحة اللي هم أصلًا مادفعوش فيه دولار !!!
 
وطبعًا الموضوع انتهاش لأن بيت لسه بيحب يحكي للناس عن اللي حصل وبقى في أطفال كتير من المنطقة بقوا بييجوا عندنا عشان يستعملو الجاكوزي.
أنا ساعات بشوف والدة C في السوبرماركت بس بقت حتى مابتحاولش تبص في وشي.
 
تعديل
 
أنا راجل عندي 30 سنة.
أهل C ناس أغنيا جدًا، فبصراحة مش شايف إن فاتورة المية أو أي مصاريف خاصة بالحمام هتعمل لهم أزمة.
وأيوه أنا عارف إن بيت من حقه يسترد الفلوس اللي دفعها في حمام السباحة لكن علاقتنا بأهل C أصلًا بايظه ومش عايز أخلي الموضوع أسوأ.
 
وبيت نفسه ماطلبش فلوسه هو كل اللي كان عايزه إنه يستخدم حمام السباحة مع أصحابه.
فموضوع المحكمة مش وارد دلوقتي هيبقى تضييع وقت وفلوس على الكل وبصراحة الناس الوحيدة اللي مش عاجبها الوضع الحالي هي أهل C.