جوزي امر ٢ حراس

​في الليلة دي، وفي الوقت اللي كان حازم بيلف فيه زي الفرخة المذبوحة يدور على أي حد يسلّفه قرشين، نادين مكنتش تعرف إن الراجل اللي اختارته عشان فلوسه، بقى على الحديدة ومبقاش حيلته الجنيه. ولا كانت تعرف إن الصبح، هما الاتنين هيعرفوا إيه المستخبيلهم جوة الملف اللي أنا بقالي شهور بجهزه على نار هادية…
الجزء الثالث والأخير
​على الساعة تسعة الصبح، كانت نادين واقفة قدام مكتب حازم في الشركة، وهي لابسًا طقم غالي وشايلة شنطة ماركة من اللي جابهاله من فلوسي. كانت متوقعة إن اليوم هيعدي كالمعتاد: القهوة في ميعادها، ودلع على حازم، وشوية شو قدام الموظفين.
​بس أول ما فتحت باب المكتب، اتفاجئت بحازم قاعد على الأرض، قميصه مبهدل، وعينيه أحمرّت من كتر التفكير وقلة النوم. السجائر كانت مالية المكان.
​— حازم؟ مالك؟ في إيه؟ —سألت بنبرة فيها تمثيل القلق اللي اتعودت عليه.
​قبل ما ينطق كلمة، الباب اتفتح ودخل المتر صلاح ومعه اتنين من رجال الشرطة ومحضر من المحكمة.
​— حازم بيه الجمال؟ —قال الضابط ببرود—. معاك أمر ضبط وإحضار في البلاغ المقدم من مدام فريدة الشافعي بتهمة التعدي بالضرب وإحداث عاهة وتسهيل استيلاء على أموال الشركة.
​حازم اتنفض من مكانه، ووشه بقى زي الجث/ة:
— أنت بتقول إيه؟! دي مراتي! وده شغل عائلي!
​— المدام رفعت قضية طلاق للضرر، وأرفقت الفيديوهات بتاعة كاميرات فندق التجمع، والتقرير الطبي اللي أثبت الإصابات، وشهادة الموظفين اللي كانوا موجودين واكتشفوا إنك هددتهم بالرفد لو حد اتكلم.
​نادين شهقت وحطت إيدها على بقها، وبدأت ترجع لورا عشان تتسحب وتخلع من الموقف. بس المتر صلاح بصلها وابتسم ابتسامة باردة:
— على فين يا آنسة نادين؟ حضرتك مطلوب ضبطك وإحضارك أنتِ كمان.
​نادين اتسمرت مكانها وصوتها طلع بالعافية:
— أنا؟! أنا مالي؟! أنا مجرد سكرتيرة!
​طلّع المتر صلاح ملف أزرق من شنطته وحطه على الترابيزة:
— الملف ده فيه كشف حسابات دقيق لكل جنيه اتسحب من حسابات “نيبولا”. الشقة اللي باسمك في الشيخ زايد مقيدة بفلوس متحولة مباشرة من حساب الشركة اللي مدام فريدة شريكة فيه بالنص. العربية اللكزس، الساعات، والمجوهرات… كلها مقيدة باسمك كـ “رشاوي واستيلاء على مال غير عام بدون وجه حق”. قدامك حلين: يا ترجعي كل الأصول دي بالتي هي أحسن، يا تنضمي لحازم بيه في قضية النصب والسرقة.