مراتي وافقت اتجوز عليها

بصيت لها وأنا مش قادر أتكلم. قالت:”أيوه… أنا كنت حامل. “سكت. الدنيا لفت بيا. قلت بصوت مبحوح:”إنتِ… كنتِ حامل؟”هزت راسها. وقالت:”كنت.”قلت بسرعة:”يعني إيه كنت؟! الطفل فين؟!”ساعتها دموعها نزلت لأول مرة. وقالت:”مات.”اتجمدت مكاني. وكملت:”مات بعد ما خرجت من بيتك بأيام.”بصيت لها وأنا مش مستوعب. قالت:”كنت داخلة على تلات شهور، والدكتور قال إن الحمل توقف.

“وبعدين قربت مني وقالت:”عارف ليه مخبيتش عليك؟”هزيت راسي. قالت:”لأني يوم ما خرجت من بيتك… كنت فاكرة إنك اخترتني. “”لكن بعد ما عرفت إني حامل، فضلت مستنية منك تسأل عني… تسأل أنا عاملة إيه… تعبانة ولا لأ.””بس إنت كنت مشغول بحياتك الجديدة.”سكت. قالت:”كل يوم كنت بقول يمكن ييجي.

“”يمكن يفتكر إن دي مراته.””يمكن يسأل.””لكن إنت مجيتش.”حاولت أتكلم. مطلعش صوتي. وبعدين قالت الجملة اللي كسرتني:”أنا مش هطلب منك ترجعلي… أنا بس كنت عايزة تعرف إنك مش الوحيد اللي كان نفسه يبقى أب. “خرجت من عندها وأنا مش شايف الطريق. لأول مرة من سبع شهور…مقدرتش أفرح بحمل نهى. ولا قدرت أبص لصورة السونــ,,ـــــار. ولا حتى قدرت أقول لنفسي إن اللي عملته كان صح.

لأن السؤال الوحيد اللي كان بيدور في دماغي:”لو كنت فضلت جنب سارة… هل كان ممكن الطفل ده يعيش؟”لكن اللي حصل بعدها كان أصعب بكتير…لأن بعد أسبوع واحد بس، وأنا كنت رايح أخلص إجراءات الطلاق. ..لقيت سارة مستنياني. وفي إيدها ورقة تانية. وقالتلي:”قبل ما تمضي على الطلاق… لازم تعرف الحقيقة كاملة.”مدت الورقة ناحيتي. وأنا أول ما قريتها…حسيت إن الأرض اختفت من تحت رجلي.

الجزء الثانيمسكت الورقة من إيد سارة وأنا مش فاهم هي عايزة توصل لإيه. بصيت فيها مرة…واتنين…وثلاثة. وبعدين رفعت عيني عليها وقلت:”سارة… الورقة دي معناها إيه؟”كانت واقفة قدامي ووشها هادي بشكل غريب. قالت:”اقرأها للآخر.”رجعت بصيت في الورقة. كانت نتيجة تحليل من معمل كبير، والاسم اسمي أنا…والنتيجة كانت إيجابية. حسيت إن مخي وقف. قلت:”إيجابية إيه؟!”قالت:”تحليل الخصوبة.

“ابتسمت ابتسامة مليانة وجع. وقالت:”الدكتور اللي كنا بنتابع معاه قال كده.””لكن بعد ما الموضوع طول، أنا رحت لدكتور تاني من وراكي. “”وعملت كل التحاليل من جديد.”قلت:”وطلعت إيه؟”قالت:”أنا مش السبب.”اتسمرت مكاني.”يعني إيه مش السبب؟”قالت:”التحاليل أثبتت إن عندي مشكلة بسيطة جدًا، وكان ممكن علاجها.””لكن التحليل بتاعك أنت كان فيه مشكلة أكبر.”قعدت على الكرسي وأنا حاسس إن رجلي مش شايلاني.