مراتي وافقت اتجوز عليها

“قال:”لأن دي النسخة الأصلية.”قلت:”يعني إيه؟”قال:”التحاليل الأصلية كانت بتقول إن حالة سارة بسيطة جدًا.””لكن التحليل الخاص بيك كان محتاج متابعة وعلاج.”سكت. قلت:”طب ليه اتقال لنا العكس؟”الدكتور سامح أخد نفس طويل وقال:”لأن الدكتور اللي كان بيتابعكم وقتها عمل خطأ مهني كبير.”قلت:”خطأ؟”قال:”أنا مش هقدر أتهم حد من غير دليل.””لكن فيه حاجة مؤكدة… “”النتائج اللي اتقدمت لك وقتها مش هي النتائج الأصلية.

“حسيت بدوخة. قلت:”يعني أنا ضيعت ست سنين من حياتي بسبب نتيجة غلط؟”قال:”أنا آسف.”قعدت على الكرسي. افتكرت كل مرة سارة كانت بتعيط بعد عملية. كل مرة كانت تقول:”يمكن المرة دي ربنا يكرمنا.”وكل مرة كنت أرجع أقول لها:”إنتِ اللي عندك المشكلة.”أنا اللي كنت فاكر إني الضحية…طلعت أنا اللي ظلــ,,ـــــمتها. لكن كان لسه عندي سؤال. قلت:”طب والحمل؟”الدكتور سكت. وبعدين قال:”الحمل كان سليم.

“قلت:”سارة قالت إن حصل خطأ في العلاج.”هز راسه. وقال:”ده صحيح.””لكن مش كل الحقيقة.”قلبي دق بسرعة. قلت:”يعني إيه؟”فتح ملف تاني. وقال:”بعد ما حصل النزيف، سارة اتنقلت للمستشفى.””وكان الحمل لسه موجود.””وكان فيه نبض.”بصيت له وأنا مش قادر أتكلم. قال:”لكن أثناء إجراءات النقل حصلت مشكلة.”قلت:”مشكلة إيه؟”قال:”كان لازم تدخل عملية بسرعة.

“”لكن التأخير حصل.”سألته:”ليه؟”بصلي في عيني وقال:”لأن ملفها كان مكتوب عليه إنها. .. مش متابعة بانتظام.”قلت:”وده معناه إيه؟”قال:”معناه إن المستشفى ما تعاملتش مع الحالة على إنها حالة طارئة بالشكل المطلوب.”سكت. وبعدين قال:”سارة فقدت الحمل بعدها.”غمضت عيني. حسيت إن كل حاجة اتكسرت جوايا. قلت:”هل كانت تقدر تنقذه؟”قال:”صعب نعرف.””لكن كان فيه احتمال.”خرجت من عند الدكتور وأنا حاسس إني إنسان تاني. ركبت عربيتي.

ومسكت التليفون. اتصلت بسارة. ردت بعد شوية. قلت:”إنتِ كنتِ عارفة؟”سكتت. قلت:”كنتِ عارفة إن الحمل كان لسه فيه نبض؟”قالت بصوت مكسور:”آه.”قلت:”ليه مخبيتيش عليا؟”قالت:”كنت في المستشفى لوحدي.””وأنت كنت مع نهى.””وأنا وقتها قلت لنفسي إنك لو عرفت، هتيجي.”سكتت. قالت:”بس بعدين قلت لنفسي…””لو جيت، هتعمل إيه؟””هتسيب مراتك الحامل وتيجي عندي؟””هتفضل محتار بين بيتين؟””وأنا كنت خلاص تعبت من إني أكون الاختيار التاني.