حكاية سوزان

قولت لهم قال لي انتي مبصتيش في المرايه؟ هو انا وحشه اوي كده؟… بنت خالتي حضنتني وهي بتعيط وقالت لي انتي مش وحشه.. هو ميستاهلش حبك ده واحد بيبص للمظاهر بس متشغليش بالك بيه ولا تزعلي عليه

رجعنا البيت وحضرنا الفرح.. كنت مكسوره وزعلانه مكونتش حاسه باي حاجه حواليا

ندمت علي اليوم الي شوفته فيه..ندمت علي الوقت الي ضيعته معاه.. ندمت علي مشاعري الي مقدرهاش

انا طبعا غلطانه اني بعت له صور مغشوشه مش طبيعيه بس انا قولت انه حب روحي مش شكلي بعد معرفني فتره

بعد مرجعت بيتنا فضلت مكتئبه شويه وبعدين صممت انزل الشغل تاني ونسيت التجربه المره دي

وبعد فتره قابلت شخص حبني لروحي وشخصيتي مش لشكلي الخارجي .. واتجوزنا .. وعيشت معاه اجمل قصه حب واحنا دلوقتي معانا طفلين 

والمفاجاه ان وشي بقي صافي مفيهوش اي اثر للحبوب بعد متجوزت وعديت فتره المراهقه وطلع كلام امي صح .. الحبوب دي بتاخد وقتها وتروح.. 

انا دلوقتي بحمد ربنا علي جوزي.. وعايزه اقول لكل بنت بلاش ترسمي صوره مختلفه عن الواقع بتاعك .. عيشي واتصرفي دايما بطبيعتك والي بيحبك هيحب شخصيتك ويتقبل عيوبك بمنتهي البساطه لان مفيش حد كامل .. كل واحد فينا عنده عيب او نقص في حاجه معينه.. الانسان العاقل مبيبصش للمظاهر واهم حاجه عنده الشخصيه والطباع .. لكن الشخص الي باصص لعيوبنا ومش شايف مميزاتنا .. ميلزمناش هنعرف نعيش من غيره

……………………………………….

……………………..