جوزي عمره ماشم خبر
صوت ليلى في الخلفية كان بيعلى وهي بتقوله: “يعني إيه مفيش شقة؟ يعني إيه هربت بيا في أوضة إيجار؟”
قفلت السكة في وشه وأنا حاسة بنسمة هوا باردة بتغسل قلبي من وجع المستشفى وإهانة “الظرف الأصفر”.
أحمد ماكنش يعرف إن “مريم الغلبانة” اشترت العمارة اللي هو مأجر فيها شقته الجديدة مع ليلى.. وأول قرار خدته كمالكة جديدة، كان وصل أمانة وطلب إخلاء خلال 24 ساعة.
حكايات رومانى مكرم تابعو صفحه رومانى مكرم
قعدت مريم على الكرسي الهزاز في شقتها الجديدة -اللي جابتها من تعبها الحقيقي- وشغلت التلفزيون وهي بتشرب قهوتها بكل روقان، وكأن المكالمة اللي لسه قفلاها كانت مجرد إعلان سخيف وخلص.
بعد نص ساعة بالضبط، جرس الباب رن بهستيريا. فتحت الكاميرا لقيت أحمد.. منظره مبهدل، قميص الفرح اللي كان لسه لابسه من كام يوم متكرمش، وعينه فيها نظرة “الكلب الضال” اللي بيدور على مأوى.
فتحت الباب بالجنزير، ووقفت بابتسامة باردة: “خير يا عريس؟ ليلى طردتك بالبيجامة ولا إيه؟”
أحمد زق الباب برجله وهو بيعيط: “مريم.. ارجوكي.. المحامي قالي إن المديونية اللي عليا باسمك توصل لـ 2 مليون جنيه! إنتي عملتي كدة إمتى؟ أنا عمري ما مضيت لك على حاجة!”
ضحكت مريم بصوت عالي: “فاكر يا أحمد لما كنت بتخليني أمضي على “طلبات سحب” من حسابي عشان “تجدد العفش” وتجيب “إكسسوارات للعربية”؟ كنت بتمضيني في وسط ورق كتير وإنت فاكرني نايمة على وداني.. بس اللي متعرفوش إن كل ورقة كنت بتمضيها قصادها “إقرار استلام نقدية” منك شخصياً.. أنا كنت بوثق كل قرش بتسرقه مني يا أحمد، والنهاردة الحساب جه.”
أحمد نزل على ركبه: “أنا ممعيش مليم.. الشقة اللي أجرتها لليلى طلعت ملك لشركة مجهولة، ولسه جالي إخطار طرد دلوقتي حالا عشان الإيجار مدفعش.. مريم، أنا ضعت!”
مريم وطت عليه وهمست في ودنه بنفس النبرة اللي همس بيها في المستشفى: “إنت مش ضعت يا أحمد.. إنت بس “رجعت لأصلك”.. لـ “البلاطة” اللي كنت عايز تسيبني عليها وإنا لسه طالعة من العمليات.”
في اللحظة دي، تليفونه رن تاني.. كانت ليلى. فتحت مريم الخط وسبيكر:
ليلى بصريخ: “يا أحمد، العفش اللي إنت قولتي إنك شاريه كاش، طلع قسط والشركة جاية تسحبه! إنت طلعت نصاب؟ أنا هرفع عليك قض*ية خلع وهحبسك!”
