طليقي كلمني
لفيت ضهري وأخدت أختي رضوى، ومشيت وأنا بجر عربية بنتي.. وسبت ورايا الفيلا والمزيكا اللي اتطفت، والكاسات اللي اتكسرت، والفرح الشيك اللي اتقلب لساحة قضاء ومحاكمة علنية قدام مصر كلها.
بعد كام شهر..بقلم منــال عــلي
شريف لبس البدلة الزرقاء واتحكم عليه في قضايا النصب والتزوير، والقض*ية القديمة بتاعة وفاة أبويا اتفتحت من جديد واتحولت لجناية قت*ل. كاميليا شهدت ضده عشان تخفف عن نفسها، بس غبائها والورق اللي قدمته لبسها هي كمان تهمة التستر والمشاركة في التزوير وراحت معاه في الرجلين.
الحاجة كريمة اضطرت تبيع البيت اللي حيلتها وكل وراها وقدامها عشان تدفع مصاريف المحامين، وأنا قدرت بفضل الله والأستاذ مدحت إني أسترد كل مليم وكل شبر من ورث أبويا الله يرحمه.. مع إن مفيش فلوس في الدنيا هتعوضني عن ضحكته وسنده.
في يوم عيد ميلاد نور الأول.. روحت واحتفلت بيه جنب قبر أبويا.بقلم منــال عــلي
بنتي خطت أول تلات خطوات ليها على النجيلة الخضراء وهي بتتهز.. وأنا دموعي نزلت، بس المرة دي كانت دموع مختلفة خالص.
دموع ست مكسورة؟ لأ.. دموع ست حرة، طهرت حياتها من الخونة.بقلم منــال عــلي
وعرفت وقتها إن السكوت عشان “المنظر العام” وعشان نصلح شكل عيلة باظت من جوه مش حب ولا أصل.. ساعات الكلام والمواجهة بتكون هي الطريقة الوحيدة عشان تحمي ولادك واللي جايين بعدك.
بنتي هتكبر وتشيل اسمي واسم أبويا.. “نور الشافعي”.. اسم الراجل اللي مات وهو بيحميها، واسم الست اللي مابقتش تاخد إذن من حد عشان تدافع عن حقها وتعيش بكرامتها.بقلم منــال عــلي
تمت بحمد الله
