من النهارده انتي اللي هتشيلي العيال
منال علي
فجأة.. الحاجة زينب بـَـصت لـ ليلى وقالت بكل برود، كأنها بتطلب منها تعدل كراسي السفرة:
— «إنتي بقا يا ليلى اللي هتشيلي العيال الفترة الجاية وتخلي بالك منهم مع ميار.»
ليلى رفعت راسها وبصت لأمها بثبات:
— «لأ.. مش هحصل.»
الهدوء ساد الصالة فجأة، وصوت الأطباق سكت.
طارق كشـّـر ووشه اتقلب:بقلم منــال عــلي
— «ما تبدأيش تشتغلينا يا ليلى، مش وقت قمصك خالص.»
ردت عليه بهدوء قاتل:
— «أنا ماببدأش يا طارق.. أنا بـِـنـْـهي. بنهي قلة التقدير دي.»
ميار ضحكت ضحكة صفرا ولوت بوزها:
— «يا شيخة ونبي بس! على أساس إن وراكي مشاغل ومشاريع هتهد البلد؟»
ليلى ضغطت على المنديل اللي في إيدها لحد ما صوابعها ابيضت: بقلم منــال عــلي
— «آه يا ميار، عندي حياة تخصني أنا وبس، حتى لو إنتوا عمركم ما احترمتوا ده.»
الحاجة زينب حطت إيدها على صدرها كأنها اتصدمت:
— «يا بنتي العيلة هي العيلة! والدم ما يبقاش مية!»
— «العيلة مش معناها إنكم تستغلوني لحد ما تحنوا ضهري وتكسروني يا أمي.»
الحاج رضوان نزل عينه في الأرض وهو حاسس بالذنب، بس ما نطقش ولا دافع عنها.
طارق ربع إيده وبص لها بزهق:بقلم منــال عــلي
— «طول عمرك بتساعدي.. إيه اللي جَدّ النهاردة يعني؟»
— «عشان عمركم ما سألتوني! كنتوا بتيجوا ترموا العيال عند باب شقتي وتمشوا كأن ده فرض عليا!»
ميار ضحكتها اختفت تماماً وعينيها بقت زي الإبر:
— «ما هو يا حبيبتي إنتي لا وراكي بيت ولا عيال ولا راجل تخدميه.. اعتبري الخدمة دي تـَـدريـب ليكي يمكن ربنا ينوبك ثواب!»بقلم منــال عــلي
الكلمة كانت سم قاتل.. لدرجة إن العيال الصغيرة نفسهم سكتوا من كتر الصدمة اللي خيمت على الأوضة.
ليلى حست بنغزة قوية في قلبها، مش عشان كلام ميار حقيقي، لأ.. عشان كل اللي قاعدين على الطرابيزة سمحوا لميار تقول كلام يوجع بالشكل ده من غير ما حد يوقفها عند حدها.
أمها ما دافعتش عنها..
أبوها كتم بقه..بقلم منــال عــلي
وطارق بس نفخ بضيق كأن ليلى عيلة صغيرة بتدلع وبتعمل نمرة.
ليلى وقفت على رجليها بوقار كامل:
— «إنتي عندك حق في حاجة واحدة يا ميار.. أنا فعلاً ماليش عيلة هنا تحترمني وتخاف عليا.»
مسكت شنطتها وراحت ناحية الباب.
الحاجة زينب جريت وراها لحد العتبة:بقلم منــال عــلي
