من النهارده انتي اللي هتشيلي العيال
منال علي
ميار أول ما شافت ليلى، اتفتحت فيها وسفت سمها:
— **«إنتي اللي عملتي كدة؟! تبلغي الشرطة وتعملي محضر في واحدة حامل؟! يا شيخة اتقي الله!»**
الظابط رد بحسم وقوة قبل ما ليلى تنطق كلمة:
— **«لأ يا مدام، مش هي اللي بلغت. الجيران وأمين الشرطة المعين في الخدمة هم اللي لحقوا ابنك من تحت عربية في الشارع وهو حافي، بعد ما سبتيهم في مدخل العمارة ومشيتوا.»**
ميار بوزها اتلوى وسكتت فجأة، وعينيها زاغت.
طارق شاور على أخته ليلى وبص للظابط:
— **«يا فندم المفروض كانت تبقى هناك مستنياهم!»**بقلم منــال عــلي
ليلى وقفت على رجليها ببطء شديد، وبصت في عين أخوها:
— **«لأ يا طارق.. إنت اللي كنت “عايزني” أكون هناك غصب عني.. وده فرق السما من الأرض.»**
المقدم حازم خبط بصباعه على الورقة اللي في الكيس الشفاف وحطها قدامهم على المكتب:
— **«عايز أعرف مين اللي كتب الإقرار المزور ده وفيه ادعاء بالباطل؟»**
الأوضة اتعمست بالسكوت.. محدش رد.
بس ليلى شافت بعينيها إزاي ميار نزلت راسها في الأرض وعينيها رايحة وجاية من الرعب.
وفي اللحظة دي.. ليلى عرفت إن حبل الكدب اتقطع، وإن الوش القناع اللي كانوا مداريين وراه سنين.. اتمزق للأبد على طرابيزة مكتب رئيس المباحث.
*(يتبع في التعليقات…)*
السكوت اللي خيّم على مكتب المقدم حازم كان من النوع اللي بيسبق العاصفة. تكتكة ساعة الحيطة في المكتب كانت مسموعة، وصوت أنفاس “ميار” المتسارعة بقى هو السيناريو الوحيد الشغال. بقلم منــال عــلي
المقدم حازم مسبش الورقة، فضل حاطط صباعه عليها، وبص لـ “طارق” بنظرة تخلي الصخر ينطق:
— **«أنا بسأل سؤال واضح يا أستاذ طارق.. مين اللي كتب الورقة دي؟ البواب قال إن مدام ميار هي اللي نزلت من العربية وادتها له، والكلام ده متطابق مع تفريغ كاميرا المحل اللي جنب العمارة.. يعني تزوير، وادعاء باطل، وتعريض حياة أطفال للخطر. تحبوا تحلوا الموضوع ودي مع أختك، ولا أندّه العيال وندخل في سكة النيابة والرقابة وحقوق الطفل؟»**
طارق وشه جاب ألوان، وبص لمراته اللي كانت واقفة زي الفرخة المبلولة، مفيش أي أثر للشر واللسان الطويل اللي كان شغال من شوية. طارق قرب من مكتب الظابط وصوته اتهز:
— **«يا حازم باشا.. إحنا أهل، والموضوع مش مستاهل نيابة.. دي أختي حبيبتي، وإحنا بس كنا بنهزر معاها، أصلها قمصت امبارح فقولنا نعمل فيها مقلب عشان تيجي تاخد العيال ونبسطها..»**بقلم منــال عــلي
