في حفلة عيد ميلاد جوزي
“يحيى قال:”يبقى عندنا احتمالين.”رفع صباعه الأول:”يا إما نهى استخدمت تليفون حسام.”ورفع التاني:”يا إما حد استغل وجودها عشان يعمل حاجة.”عمي سامح قال:”وفي الحالتين، لازم نعرف فارس فين قبل ما الوقت يعدي.”وفجأة جالي إشعار على موبايلي.
رقم غريب. فتحت الرسالة. كانت صورة. صورة فارس وهو قاعد على كرسي في أوضة ضلمة. إيديه مربوطين، لكنه كان صاحي. وتحت الصورة جملة واحدة:”لو عايزة أخوكي يرجع، تعالي لوحدك.”صرخت:”فارس!”يحيى خ. طف الموبايل من إيدي وشاف الرسالة.
قال:”مستحيل تروحي.”بصيت له:”ده أخويا.””وأنا أخوكي برضه، ومش هسمحلك تروحي.”قلت:”يبقى نروح كلنا.”هز راسه:”لأ.”رائد قال:”المكان فين؟”فتحت تفاصيل الصورة.”مفيش موقع.”شادي قال:”الرسالة اتبعت من رقم مش معروف.”نادر قال:”يبقى عايزيننا نعرف حاجة تانية.”بصينا له. قال:”هم مش عايزين داليا.”سكت.
“هم عايزيننا إحنا.”يحيى فهم فورًا.”عايزين يجمعوا الخمسة في مكان واحد.”عمي سامح قال:”علشان ينهوا الموضوع مرة واحدة.”حسام رجع للخلف.”أنا مالي؟”يحيى بص له:”إنت جزء من الموضوع من البداية.”حسام قال:”أنا ماخدتش فارس!
“رائد رد:”بس حد بيستخدم اسمك.”عمي سامح قال:”والموضوع أكبر من حسام ونهى.”وفجأة جالي إشعار تاني. رسالة جديدة. فتحتها. كانت جملة قصيرة:”لو جالكوا في بالكم تبلغوا الشرطة، فارس هيمو. ت.”قلبي وقع. لكن بعدها وصلت رسالة تانية.”ولو داليا ماجتش لوحدها، فارس هيمو. ت برضه.”يحيى مسك كتفي:”بصيلي.
“بصيت له.”مش هتروحي.”قلت:”أنا هروح.””داليا!””مش هسيب فارس.”رائد قال:”لو مصممة، يبقى نعملها بطريقتنا.”يحيى بص له.”إزاي؟”رائد قال:”هنخليهم يفتكروا إنها راحت لوحدها.”شادي فهم وقال:”ونحدد مكانها من غير ما يعرفوا.”نادر قال:”وفارس لوحده مش هدفهم الحقيقي.
“بصيت لهم:”أمال هدفهم إيه؟”محدش رد. لحد ما عمي سامح قال:”الملف.”افتكرت الورقة اللي كانت في إيدي.”الملف اللي بابا سابه.”هز راسه.”أيوه.”يحيى قال:”بس الشنطة مع فارس.”عمي سامح رد:”لأ.”بصيت له.”الشنطة كانت فاضية.”الكل اتجمد. رائد قال:”إنت كنت عارف؟”عمي قال:”كنت عارف إنهم هيسرقوها.
“يحيى قرب منه:”فين الملف الحقيقي؟”عمي بصلي. وقال:”مع داليا.”اتصدمت.”معايا أنا؟!”هز راسه.”من يوم ما أبوكي مات.”قلت:”أنا مش فاهمة.”عمي قرب مني وقال:”أبوكي ماكانش مخبي الملف في خزنة.”سكت لحظة.”هو خباه في الحاجة الوحيدة اللي كان متأكد إن محدش هيشك إنها مهمة.
