في حفلة عيد ميلاد جوزي
“داليا في أوضتها.”يحيى قال:”عارف.”حسام حاول يمنعه:”بس هي مراتي.”يحيى قرب خطوة وقال:”وأنا أخوها.”سكت المكان كله. يحيى كمل:”والفرق إنك كنت فاكر إن كلمة مراتك معناها إنها ملكك.”حسام اتوتر وقال:”إنتوا مكبرين الموضوع ليه؟ حصل خلاف في حفلة وانتهى.”شادي ضحك ضحكة قصيرة.”خلاف؟”فتح موبايله وشغل تسجيل صوتي.
صوت حسام كان واضح:”اربطوها.”وبعده صوت سهير:”خليها تتعلم الأدب.”وبعده صوت نهى وهي بتضحك:”تلاتين ض. ربة.”حسام وشه اصفر. بص لشادي وقال:”إنت جبت التسجيل ده منين؟”شادي قفل الموبايل وقال:”من المكان اللي انتوا عملتوا فيه الجريمة.”حسام اتلعثم:”جريمة إيه؟”رائد رد:”الاعتداء على زوجتك وتصويرها وإهانتها قدام أكتر من مية وخمسين شاهد.
“حسام بدأ يتعصب:”دي مش قضيتكم!”نادر قال:”لأ… من اللحظة اللي رفعت إيدك عليها، بقت قضيتنا.”وفي اللحظة دي سهير خرجت من القاعة. أول ما شافتهم، وقفت مكانها.”إنتوا مين؟”يحيى بص لها وقال:”إحنا إخوات داليا.”سهير رفعت حاجبها وقالت:”وجايين تعملوا إيه؟
“يحيى رد بهدوء:”جايين نعرف بس… مين اللي سمح لابنه يض. رب أختنا؟”سهير حاولت تضحك:”ابني كان بيربي مراته.”فارس لأول مرة اتكلم:”المرات مش حيوان يتربى.”وش سهير احمر.”إنت بتكلمني أنا كده؟”فارس قال:”لأ، أنا بكلم أم الراجل اللي ض. رب أختي.”وفجأة ظهر والد حسام من وراها.
كان ساكت طول الوقت، لكن ملامحه كانت مختلفة. قال:”إحنا ممكن نتفاهم.”يحيى بص له:”ممكن.”الرجل تنفس براحة. لكن يحيى كمل:”بعد ما داليا تخرج من هنا.”حسام قال بسرعة:”هي مش هتخرج.”نادر ضحك لأول مرة.”إنت لسه مش فاهم؟
“حسام بص له. نادر قال:”إنت ماعدتش صاحب القرار.”حسام صرخ:”دي مراتي!”وفجأة صوتي طلع من آخر السلم:”وأنا مش ملكك.”كلهم لفوا ناحيتي. كنت نازلة ببطء، لابسة هدوم واسعة، وشعري مربوط، ووشي عليه آثار التعب. لكن المرة دي كنت واقفة على رجلي. يحيى أول ما شافني، ملامحه اتكسرت للحظة.
قرب مني وقال:”مين عمل فيكي كده؟”بصيت له.”إنت عارف.”يحيى مد إيده لي. مسكتها. وبصيت لإخواتي الخمسة. لأول مرة من سنين حسيت إني مش لوحدي. حسام قرب مني وقال:”داليا، تعالي نتكلم بعيد.”بصيت له وقلت:”اتكلمنا كتير يا حسام.”قال:”اللي حصل امبارح كان عصبية.
“رديت:”العصبية مش بتربط إنسانة في سقف.”سكت. قلت:”والعصبية مش بتخلي أمك تضحك وهي بتتفرج عليا.”سهير صرخت:”أنا كنت بحاول أربيكي!”بصيت لها:”لا… إنتي كنتي بتحاولي تكسري كرامتي.”نهى كانت واقفة وراها، وشها شاحب. وفجأة قالت:”هي اللي وقعت العصير عليا!
