في حفلة عيد ميلاد جوزي
وشخص واحد بس كان يقدر يوصل لحسام بكل الأسرار اللي كانت بينا. حسام بصلي وقال:”إنتي عرفتي مين عملها؟”رفعت عيني من الورقة وبصيت لإخواتي. وقلت:”أيوه.”وساعتها يحيى قال بصوت هادي:”قولي الاسم.”أنا فتحت بقي…لكن قبل ما أنطق، باب الفيلا اتفتح بعنف، ودخل راجل ماحدش كان متوقع يشوفه هنا.
وكان أول ما شافني قال:”داليا… ماتصدقيش أي كلمة إخواتك هيقولوها لك.”وساعتها عرفت إن اللي حصل في عيد ميلاد حسام…ماكانش غير أول طبقة من حكاية أكبر بكتير. الرجل وقف عند باب الفيلا، وكل العيون اتعلقت بيه. أنا بصيت له ومقدرتش أتكلم. كان عمي سامح… أخو أبويا الوحيد.
الرجل اللي اختفى من حياتنا من يوم وفاة أبويا، واللي إخواتي الخمسة عمرهم ما جابوا سيرته قدامي إلا لما أسأل، وساعتها كانوا بيغيروا الموضوع. يحيى اتحرك خطوة لقدام وقال:”إنت بتعمل إيه هنا يا سامح؟”عمي بصله وقال:”جاي أنقذ بنت أخويا منكم.”رائد ضحك بسخرية:”تنقذها مننا؟”عمي دخل وقفل الباب وراه.
“أيوه.”بصيت له وقلت:”عمي… إنت كنت فين كل السنين دي؟”سكت. قلت بصوت أعلى:”وليه ظهرت دلوقتي؟”بص ناحية حسام، وبعدها بصلي.”لأن الوقت جه إنك تعرفي الحقيقة.”حسام قال بسرعة:”سامح، ماتدخلش نفسك في الموضوع.”عمي بصله بنظرة حادة:”إنت آخر واحد يتكلم.
“سهير تدخلت:”إنت مين أصلًا عشان تتكلم مع ابني بالطريقة دي؟”عمي رد من غير ما يبصلها:”أنا الشخص اللي كان المفروض يحمي داليا من اليوم اللي أبوها مات.”يحيى قال:”بس إنت ماحميتهاش.”عمي بص له وقال:”لأني كنت بحاول أحميكم كلكم.”سكت الخمسة. أنا حسيت إن قلبي بيخبط.”تحمينا من إيه؟
“عمي قرب مني.”من أبوكي.”اتجمدت.”أبويا؟”قال:”أبوكي قبل ما يمو. ت كان سايب وراه حاجات محدش فيكم يعرف عنها حاجة.”نادر قال بعصبية:”إحنا عارفين كل حاجة عن شغل أبويا.”عمي هز راسه.”لأ… إنتوا عارفين الجزء اللي هو سمح لكم تعرفوه.
“بصيت لإخواتي. لأول مرة شفت الشك في عيونهم. قلت:”إنت بتقول إيه؟”عمي طلع ظرف قديم من جيبه. الظرف كان لونه مصفر، وعليه خط أبويا. أول ما شفته، نفسي اتقطع. قلت:”ده خط بابا.”عمي مد الظرف لي.”كان مكتوب باسمك.”مديت إيدي، لكن يحيى مسكني.
“استني.”بصيت له.”ليه؟”قال:”ممكن يكون فخ.”عمي رد:”لو كنت عايز أأذيها، كنت سيبتها لجوزها اللي ربطها وض. ربها قدام الناس.”حسام اتوتر.”خلاص بقى! إنتوا عايزين تعملوا إيه؟”عمي لف له وقال:”عايزين نعرف ليه داليا كانت لازم تختفي من حياتك.”نهى بدأت تتحرك ناحية الباب.
