في حفلة عيد ميلاد جوزي
“الحقيقة إن أمي كانت شريكة أبوكي في السر اللي مدفون هنا.”عمي قال:”والشخص اللي خ. طف فارس… كان بيدور على الحقيقة دي من قبل ما داليا تتجوز حسام.”بصيت لفارس. وبعدين لرائد. وقلت:”يعني كل اللي حصل لي… وكل اللي حصل لفارس… كان عشان الشريحة؟”رائد هز راسه.
“لأ.”بص لي في عيني.”كان عشان يعرفوا مكان الحاجة اللي أبوكي خبّاها.”سألته:”إيه هي؟”رائد بص لعمي. وعمي قال:”دفتر.”قلت:”دفتر إيه؟”قال:”دفتر فيه أسماء كل الناس اللي أبوكي وثق فيهم… وكل الناس اللي خانوه.”سكت لحظة. وبعدين قال:”ومن بينهم… اسم حسام.”حسام، اللي كان واقف بعيد، رفع عينه فجأة.
وقال بصوت مرتجف:”ده مستحيل.”يحيى بص له:”إنت كنت تعرف أبويا؟”حسام سكت. رائد قرب منه.”قول الحقيقة.”حسام بدأ يتراجع.”أنا…”وفجأة سمعنا صوت سيارة بتقف قدام المخزن. كلنا لفينا ناحية الباب. وبعد ثواني، دخلت نهى. لكنها ماكانتتش لوحدها.
كان معاها راجل كبير في السن. أول ما عمي سامح شافه، وشه فقد لونه. وقال بصوت مخنوق:”مستحيل…”أنا بصيت للرجل. عمي أكمل:”ده أبو حسام.”والد حسام ابتسم ابتسامة باردة وقال:”أخيرًا… وصلتوا للمكان اللي أبوكم خبّى فيه كل أسراره.
“والد حسام دخل المخزن بخطوات بطيئة، وراه نهى، لكن المرة دي ماكانتش بتعيط ولا بتعمل نفسها ضحية. كانت واقفة جنبه ووشها جامد، كأنها كانت مستنية اللحظة دي من زمان. بصيت لحسام، لقيته واقف مكانه مش قادر ينطق. قلت له:”إنت كنت تعرف إن أبوك له علاقة بأبويا؟
“حسام هز راسه بسرعة:”والله ماكنت أعرف.”والده ضحك:”سيبه يا حسام… أنت طول عمرك ما تعرفش حاجة.”حسام بص له بصدمة:”بابا… إنت بتتكلم عن إيه؟”والده ما ردش عليه، وبص لي مباشرة.”إنتي داليا السيوفي.”قلت:”أيوه.”قال:”أبوكي كان فاكر إنه يقدر يدفن أسراره ويمو. ت.
“عمي سامح اتقدم خطوة.”أسراره ولا أسرارك؟”والد حسام ابتسم.”أسرارنا كلنا.”يحيى وقف قدامي.”إبعد عنها.”والد حسام قال:”أنتوا لسه فاكرين إن الموضوع فلوس وشركات؟”رائد رد:”أمال إيه؟”قال:”أبوكم قبل ما يمو. ت كان ماسك مستندات تدين ناس كتير.”شادي قال:”إيه نوع المستندات؟
“والد حسام سكت لحظة.”تحويلات مشبوهة… عقود مزورة… وعمليات استيلاء على شركات.”بصيت لعمي.”وأبويا كان بيحقق في ده؟”عمي هز راسه.”كان بيحاول يكشفهم.”والد حسام ضحك.”كان بيحاول ينقذ نفسه.”يحيى اندفع ناحيته، لكن نادر مسكه. والد حسام كمل:”أبوكي ماكانش بريء زي ما فاكرين.
