في حفلة عيد ميلاد جوزي
نادر وقف قدامها.”رايحة فين؟”قالت وهي بتبكي:”أنا تعبت.”رد:”لسه.”بصيت للظرف. وبصيت لعمي.”افتحه.”يحيى قال:”داليا…”قاطعته:”أنا لازم أعرف.”فتحت الظرف بإيدي المرتعشة. جواه ورقة واحدة. وكان أول سطر فيها:”لبنتي داليا… لو الورقة دي وصلت لك، يبقى أنا مت.
“حسيت دموعي نزلت. كملت القراءة بصوت مسموع:”يا داليا، إخواتك هيحاولوا يحمواكي بطريقتهم، لكنهم مش عارفين إن الخطر الحقيقي مش برا العيلة… الخطر جوه العيلة.”رفعت عيني ببطء. كل إخواتي كانوا ساكتين. كملت:”في شخص قريب منك هيحاول يوقع جوازك، وهيستخدم حسام عشان يوصل لهدفه.”حسام اتراجع خطوة. قلت:”مين؟
“الورقة كانت فيها سطر أخير. قرأته. وبمجرد ما قريته، إيدي ارتخت والورقة وقعت على الأرض. يحيى انحنى وأخدها. قرأ. وشه اتغير. رائد قرب منه.”مين؟”يحيى رفع عينه وبص لإخواتي. وبعدين بصلي. قال:”سامح.”اتلفت ناحية عمي.”إنت؟”عمي ما أنكرش. قال بهدوء:”أيوه.”الهواء نفسه وقف.
صرخت:”إنت كنت بتخطط لكل ده؟!”عمي هز راسه.”أنا خططت إن حسام يخسر كل حاجة لو أذاكي… لكن اللي حصل امبارح ماكانش بأوامري.”يحيى اندفع ناحيته:”كداب!”عمي رفع إيده.”اسمعني للآخر.”يحيى وقف. عمي قال:”أنا كنت متابع حسام من فترة، وعرفت إنه بيخون داليا، وعرفت إن نهى بتضغط عليه عشان يطلقها ويتجوزها.
“نهى صرخت:”كدب!”عمي بص لها:”ولو كدب، ليه بعتّي له رسالة قبل الحفلة بساعات بتقولي فيها إن داليا لازم تخرج من حياته بأي طريقة؟”نهى سكتت. عمي كمل:”لكن اللي محدش فيكم يعرفه إن نهى ماكانتتش بتتصرف لوحدها.”بصيت لها.”مين معاكي؟”نهى انهارت في العياط.”أنا… أنا مش عارفة أعمل إيه.
“حسام صرخ:”اسكتي!”هنا شادي لأول مرة فقد هدوءه.”إنت تسكت.”حسام بص له. شادي قرب منه وقال:”أختي اتعلقت في سقف قدام مية وخمسين واحد، وإنت دلوقتي لسه فاكر إنك تقدر تأمر حد؟”سكت حسام. فارس أشار ناحية الباب.”اتفضلوا كلكم جوه المكتب.”والد حسام قال:”دي فيلتي.
“فارس رد:”وعشان كده هنقعد في أوضة الضيوف.”دخلنا كلنا. وأول ما قعدنا، رائد حط اللابتوب على الترابيزة. قال:”قبل ما نكمل، في حاجة لازم داليا تشوفها.”فتح فيديو من كاميرات الحفلة. ظهر المشهد من زاوية مختلفة. أنا واقفة بالصينية. نهى بتتحرك ناحيتي.
لكن قبل ما تخبط الصينية، ظهر شخص في آخر القاعة بيشير لها بإيده. كبر رائد الصورة. أنا قربت من الشاشة. وقلت:”ده…”يحيى قال:”أيوه.”حسام وقف فجأة.”مين ده؟”رائد بص له وقال:”راجل من رجال الأمن بتوعك.”حسام اتوتر:”مستحيل.”شادي رد:”هو نفسه اللي ادّى أمر للناس يمسكون داليا.
