في حفلة عيد ميلاد جوزي
قربت من المكتب. حطيت إيدي على سطحه. لقيت درج صغير في الجنب. فتحته. كان فاضي. يحيى قال:”يمكن الدفتر مش هنا.”افتكرت كلام أبويا.”السر مش في المكان اللي بندور فيه.”بصيت للساعة. الساعة كانت واقفة. قربت منها. رفعتها.
وراها كان فيه تجويف صغير في الحيطة. مديت إيدي. طلعت دفتر أسود قديم. رائد شهق:”لقيناه.”قعدنا حوالين المكتب. فتحت أول صفحة. كان مكتوب بخط أبويا:”لو وصلتوا للدفتر، يبقى أنا ماقدرتش أحميكم.”دموعي نزلت. كملت:”لكن لو داليا هي اللي بتقرأ الكلام ده، يبقى لسه عندي أمل.
“وقفت لحظة. وبعدين كملت:”يا داليا، أنا عارف إنك هتسألي ليه خليت إخواتك يخبوا عنك الحقيقة.””لأنهم كانوا صغيرين، وأنا كنت خايف أخسرهم كلهم.””سامح أخويا هو الوحيد اللي عرف الحقيقة كاملة.”بصيت لعمي. هو كان ساكت. كملت القراءة:”أنا ما متّش في حادث.
“سكت المكان كله.”اتق. تلت.”يحيى ض. رب إيده على المكتب.”كملّي.”قريت:”الشخص اللي أمر بق. تلي كان بيحاول يوصل لدفتر فيه كل العمليات اللي حصلت من خلال شركات وهمية.””والشخص اللي نفذ كان قريب مني جدًا.”بصيت لإخواتي.”مين؟”قلبت الصفحة. وكانت الصدمة. الاسم مكتوب بوضوح:”سامح.”بصيت لعمي. الكل اتجمد.
قلت:”إنت.”عمي نزل عينه.”أيوه.”يحيى اندفع ناحيته.”إنت ق. تلت أبويا؟!”عمي رفع إيده.”اسمعني.”يحيى صرخ:”إنت ق. تلت أبونا!”عمي قال:”أبوك مات وهو بينقذكم.”رائد قال:”إنت اعترفت!”عمي هز راسه.”أنا ماق. تلتهوش.”طلع ورقة من جيبه.”أبوك كتب اسمي لأنه كان عايز يحمي القاتل الحقيقي.
“سكتنا. قال:”كنت أنا الوحيد اللي يقدر يخلي الناس تفتكر إني الخطر.”بصيت للدفتر. قلبت الصفحة الأخيرة. كان فيها اسم واحد. اسم ماحدش فينا توقعه. اسم شخص كان موجود في حياة أبويا طول الوقت. اسم شخص كان بيتعامل مع العيلة كأنه واحد منها. رفعت عيني.
“ده…”يحيى قرب. قرأ الاسم. وشه اتجمد. رائد قال:”مستحيل.”دخل صوت من ورا الباب:”مش مستحيل.”اتلفتنا. كان والد حسام واقف عند الباب ومعاه رجال الشرطة. بص لنا وقال:”لأن الاسم ده مش اسم القاتل.”سألته:”أمال إيه؟”قال:”اسم الشخص اللي دفع أبوكي يكتب الدفتر.”عمي سامح قال:”اسكت.”والد حسام ابتسم.
“أخيرًا خايف؟”يحيى سأله:”مين؟”والد حسام بص لي مباشرة.”إنتي.”اتجمدت.”أنا؟”قال:”أبوكي كان عارف إنك الوحيدة اللي هتقدري تفضحيهم.”رائد قال:”بس هي ماكانت تعرف حاجة.”رد:”وده كان المقصود.”فهمت فجأة. أبويا كان بيحميني. جوازي من حسام. محاولات بيعي للبيت. نهى. الاعتداء.
