انا موظفة في شركة كبيرة
شريف كان قاعد على الكرسي الجلد، حاطط رجل على رجل، وبيمضي على ورق قدام المدير. وبجانبه كان واقف محامي شكله يبخ السم.
مدير الحسابات بص لمريم بنظرة فيها أسف وإحراج: “أستاذة مريم.. أستاذ شريف جوزك قدم لنا طلب رسمي وموثق، بصفته الزوج الشرعي، وبناءً على إنذار الطاعة اللي اتبعت لك الصبح على بيت والدتك.. بيطلب تحويل مرتبك بالكامل على حساب تاني خالص باسمه، وكمان قدم شكوى إنك بتستغلي فلوس الشركة في مصالح شخصية.”
#الكاتب_رومانى_مكرم
شريف لف وشه لمريم، وابتسم ابتسامة باردة مسمومة، وطلع من جيبه الفيزا كارت بتاعتها القديمة، وهزها في الهواء قدام عينها وهو بيقول: “منورة يا باشمهندسة.. مش قولتلك؟ من النهارده مفيش جنيه هيطلع برا البيت.. واللعب بقا على المكشوف.”
مريم حست الأرض بتلف بيها، ومكتب المدير الشيك بدأ يضيق عليها زي القبر.. لكن في اللحظة دي بالذات، افتكرت كلمة أمها “الست اللي بيخاف بيتداس”، وأخدت نفس
عميق وعينها اتثبتت في عين شريف..
ياترى مريم هتقدر تقف في وش شريف وترد له القلم اتنين، ولا طاعة الزوج والقانون هيكسروا ضهرها؟ وإيه السر اللي مخبياه الست أم أحمد وممكن يقلب الترابيزة على شريف وعيلته كلها؟ وو سيبلى لايك وكومنت بالصلاه على النبي
وهرد عليك بباقى القصه كامله حكايات رومانى مكرم
@أبرز المعجبينأخدت مريم نفسًا عميقًا، وبصت لشريف من غير ما ترمش.
المدير كان مستني انهيارها أو دموعها، لكن اللي حصل كان العكس تمامًا.
مدت إيدها بهدوء وقالت:
“ممكن أشوف الورق ده يا أستاذ رأفت؟”
ناولها الملف.
قلبت الصفحات واحدة واحدة.
وبعدين رفعت عينها للمحامي وقالت:
“حضرتك محامي؟”
رد بثقة:
“أيوه.”
ابتسمت ابتسامة خفيفة وقالت:
“يبقى أكيد عارف إن مفيش قانون بيدي زوج الحق إنه يحول مرتب زوجته على حسابه الشخصي من غير موافقتها.”
سكت المكتب كله.
وشريف اتعدل في قعدته.
كملت:
“وأكيد عارف إن الفيزا دي باسمي أنا، واستخدامها أو الاحتفاظ بيها من غير إذني يعتبر جر/يمة.”
لون وش شريف اتغير.
أما مدير الحسابات فبدأ يراجع الأوراق قدامه بسرعة.
مريم طلعت موبايلها.
وفتحت تطبيق البنك.
وفي أقل من دقيقة كانت عاملة إيقاف للفيزا القديمة كلها.
